Hugmyndafræði Vinakots byggist á því að setja ekki alla undir sama hatt. Hvert ungmenni er einstakt og hefur mismunandi þarfir. Við störfum eftir hugmyndafræðinni tengslamyndandi nálgun. Áhersla er á að starfsfólk hafi þekkingu og færni í að setja hegðun í merkingarbært samhengi. Það gerir starfsmönnum kleift að bregðast við á krefjandi aðstæðum á hlýjan en um leið gagnreyndan hátt. Það er gert með fræðslu og handleiðslu.